ბიზნეს სტრატეგია ალიბაბა vs იბეი

ალიბაბა vs იბეი

ბიზნეს სტრატეგია: როგორ შეძლო ალიბაბამ იბეის ჩინეთიდან გაძევება

ჩინეთის მზარდად განვითარებადი ონლაინ ბაზარი საინტერესო აღმოჩნდა ამერიკული ტექნოლოგიური გიგანტისთვის. 2002 წელს იბეიმ ადგილობრივი ვებგვერდი eachnet – ი შეიძინა და ასობით მილიონი ინვესტიციით ჩინეთის ბაზრის ათვისება გადაწყვიტა. ბიზნეს სტრატეგია, რომლითაც ალიბაბამ იბეისთან უთანასწორო ბრძოლა მოიგო, ბევრი საინტერესო დასკვნის საშუალებას იძლევა.

ამბიციური გეგმები და გლობალური პოზიციონირება

შექმნის დღიდან ჯეკ მა ალიბაბას გლობალურ პლატფორმად მოიაზრებდა. ის თავიდანვე ცდილობდა შეექმნა პლატფორმა, რომელიც სილიკონ ველის ტექნოლოგიურ გიგანტებს გაუწევდა კონკურენციას.

„ჩვენი კონკურენტები არიან არა ჩინეთში, არამედ ამერიკაში სილიკონ ველში. ამიტომ ჩვენ, პირველ რიგში, უნდა დავაპოზიციონიროთ ალიბაბა, როგორც საერთაშორისო პლატფორმა“.

ჯეკ მა – ალიბაბა ჯგუფის დამფუძნებელი

ორიენტირება ლოკალურ ბაზარზე

ჯეკ მამ, რომელიც ცნობილია ორიგინალური გამონათქვამებით, ერთი წინადადებით ასე შეაფასა ალიბაბას როლი ამერიკულ კომპანიასთან მიმართებაში:

„იბეი არის ზვიგენი ოკეანეში. ჩვენ (ალიბაბა) ვართ ნიანგი მდინარე იანგსიში. წავაგებთ, თუ  ოკეანეში დავიწყებთ ომს. მაგრამ გავიმარჯვებთ, თუ მდინარეში გავაგრძელებთ ბრძოლას.”

ალიბაბას არ უცდია იბეისთან კონკურენცია საერთაშორისო ბაზარზე. პირიქით, ფოკუსირდა ადგილობრივ მომხმარებლებზე.

ჯეკ მამ კარგად იცოდა, რომ მართალია, იბეი C2C ბაზარზე შემოვიდა, მაგრამ ის მალევე დაიწყებდა B2B ბაზარზე ალიბაბას კონკურენციას.

ამიტომ დასწრება ამჯობინა. გადაწყვიტა შეექმნა საცალო მომხმარებლებზე გათვლილი პლატფორმა, რომელიც იბეის გაუწევდა ონკურენციას. ასე გაჩნდა taobao.com – ის იდეა.

ტაობაო – განძის ძიება

ჯეკ მამ შეკრიბა 6 ადამიანი ოფისში და შესთავაზა ახალ პროექტზე მუშაობა. თუმცა იმ პირობით, რომ მათ არა მხოლოდ თანამშრომლებისთვის, არამედ ოჯახის წევრებისთვისაც კი არ უნდა გაემხილათ პროექტის შინაარსი.

სამუშაო ლოკაციად ჯეკ მას ძველი საცხოვრებელი აპარტამენტი შეირჩა Hupan Garden – ში.

დაუღალავი მუშაობის შედეგად საყოველთაო კარანტინის პერიოდში გუნდმა შეძლო დედლაინის დაცვა და 2003 წლის 10 მაისს ტაობაო გაეშვა.

ჯერ მომხმარებელი, შემდეგ მოგება

ალიბაბამ განაცხადა, რომ პირველი 3 წელი ტაობაო იქნებოდა უფასო. ამით მომხმარებლების დიდი ნაწილის დაინტერესება შეძლო. ჯეკ მამ დაანონსა, რომ ამ პლატფორმის საშუალებით მას სურდა ელექტრონული კომერციით დახმარებოდა ადამიანებს.

ალიბაბაში კარგად აცნობიერებდნენ, რომ პირველ ეტაპზე საჭირო იყო ელექტრონული კომერციის მიმართ არსებული უნდობლობის როგორმე გაქარწყლება.

ადგილობრივი ბაზრის თავისებურება

პორტერ ერისმანი, ალიბაბა ჯგუფის ვიცე პრეზიდენტი იხსენებს, თუ როგორ შეცვალა იბეიმ Eachnet – ს დიზაინი. მკვეთრი გრაფიკა და ბანერები უგემოვნო და მყვირალა აღმოჩნდა სილიკონ ველის დიზაინერებისთვის. თუმცა, იბეის სადა და დახვეწილი სტილის საიტმა ვერ იმუშავა ადგილობრივ აუდიტორიაზე.

 ალიბაბამ ასევე განსაზღვრა, რომ ჩინეთში აუქციონის მოდელი ვერ იმუშავებდა. მისი მიზანი არ ყოფილა შეექმნა მარკეტფლეისი, სადაც მრავალრიცხოვანი მყიდველები ონლაინ დადებულ 1 პროდუქტზე გააკეთებდნენ ბიდებს.

ტაობაოს სახით ალიბაბამ გააკეთა მარკეტფლეისი, სადაც ბევრი გამყიდველი უწევდა ერთმანეთს კონკურენციას მრავალფეროვანი პროდუქციით და მაღალი ხარისხის სერვისით. აქედან გამომდინარე, ტაობაო შინაარსობრივად განსხვავებული პლატფორმა აღმოჩნდა იბეი ჩინეთისგან.

კომუნიკაციის ფორმები

იბეი შიშობდა, რომ მომხმარებლები ეცდებოდნენ ტრანზაქციის საკომისიოს თავიდან აცილებას. აქედან გამომდინარე თავიდანვე შეზღუდა საიტზე კომუნიკაცია გამყიდველებსა და მყიდველებს შორის შეკვეთის გაფორმებამდე.  ტაობაოს მიდგომა რადიკალურად განსხვავებული აღმოჩნდა.

ტაობაო უფასო პლატფორმა იყო. მისთვის საერთოდ არ ჰქონდა მნიშვნელობა შეზღუდავდა თუ არა კომუნიკაციას საიტზე. პირიქით, შეეცადა ხელი შეეწყო კომუნიკაციისთვის. დაამატა სატელეფონო მხარდაჭერა.

იმ დროს ჩინეთში იყო 300 მლნ მობილურის მომხმარებელი, ხოლო ინტერნეტის – მხოლოდ 90 მლნ. ჩინელი მომხმარებლები უფრო მეტად კომფორტულად გრძნობდნენ თავს მობილურის გამოყენებისას.

მობილურზე სმს და ხმოვანი შეტყობინებების დამატებით კომუნიკაცია მყიდველსა და გამყიდველს შორის უფრო აქტიური გახდა.

გადახდის მეთოდი

იბეიზე შესაძლებელი იყო მხოლოდ პირდაპირ გადახდა ფეიფალის საშუალებით. ჯეკ მამ გაითვალისწინა ჩინელი მომხმარებლების უნდობლობა ელექტრონული კომერციისადმი. 

ალიფეის საშუალებით მან შესაძლებლობა მისცა მომხმარებელს გადახდა დაედასტურებინა  მხოლოდ მაშინ, როცა ადგილზე მიიღებდა გამოწერილ ნივთს.

მარკეტინგული კომუნიკაცია

ჯეკ მამ მალევე გააცნობიერა, რომ ალიბაბა ვერ შეძლებდა ფინანსურად იბეის მარკეტინგული დანახარჯებისთვის კონკურენციის გაწევას. პირიქით, შეეცადა, ტაობაოს სასარგებლოდ  გამოიყენებინა მედიის ინტერესი იბეისადმი.

ალიბაბამ პირდაპირ დაიწყო იბეის გაკრიტიკება, რომ აუქციონის მოდელი ვერ იმუშავებდა ჩინეთში.  ტაობაოს 3 წლიან უფასო ინიციატივაზე, იბეის პასუხი ასეთი აღმოჩნდა: “free is not a business model”.

იბეი ძალაუნებურად ჩაერთო კომუნიკაციის ომში და ამერიკული პრესაც უკვე აქტიურად დაინტერესდა დავითისა და გოლიათის უთანასწორო ბრძოლით.

იბეიმ ექსკლუზიური სარეკლამო განთავსების უფლებები მოიპივა ჩინურ პორტალებზე Sina და Sohu.

ალიბაბამ იცოდა, რომ მისი მომხმარებლები არ იყვნენ ონლაინ. მან აქცენტი მედიის ტრადიციულ საშუალებებზე გააკეთა. ალიბაბას ბიზნეს სტრატეგიამ გაამართლა.

კონკურენტის სისუსტე

იბეი, როგორც საჯარო კომპანია ინვესტორების მხრიდან ზეწოლას განიცდიდა. მას სთხოვდნენ, ამდენი დანახარჯების შემდეგ ეჩვენებინა შედეგები.

ტაობაომ 3 წლიანი უფასო შეთავაზების კიდევ 3 წლით გაახანგრძლივა. იბეიმ ვეღარ შეძლო კონკურენციის გაგრძლება. 2006 წელს მან ადგილობრივი ბაზარი დატოვა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

მსგავსი სტატიები

ამაზონის სტატისტიკა - 10 ფაქტი ამაზონის შესახებ

ამაზონის სტატისტიკა – 10 საინტერესო ფაქტი

რამდენი პროდუქტი იყიდება წუთში ამაზონზე? რომელია ყველაზე პოპულარული კატეგორია? წაიკითხე ამაზონის სტატისტიკა – 10 საინტერესო ფაქტი ამაზონის შესახებ.

Chaos -

CHAOS ტექ სტარტაპი ურბანული განვითარებისთვის

CHAOS architects ფინური ტექ სტარტაპია – პლატფორმა, სადაც ყველა ტიპის ურბანული ინფორმაციაა თავმოყრილი. როგორ ხდება ამ ინფორმაციის პრაქტიკული გამოყენება?