კონვერსიების ტრეკინგი

განსხვავება ფეისბუქისა და გუგლ ანალიტიკსის მონაცემებში

კონვერსიების ტრეკინგი გუგლ ანალიტიკსა და ფეისბუქის სარეკლამო მენეჯერში

კონვერსიების ტრეკინგი ონლაინ მარკეტინგის უპირატესობას წარმოადგენს ტრადიციულ მარკეტინგთან მიმართებით. თუმცა, ორ ისეთ მნიშვნელოვან ხელსაწყოში, როგორიცაა გუგლ ანალიტიკსი და ფეისბუქის სარეკლამო მენეჯერი, ხშირად კონვერსიების მონაცემები ერთმანეთს არ ემთხვევა.

მაგალითად, ფეისბუქის სარეკლამო მენეჯერში ვხედავთ, რომ ფეისბუქის რეკლამას იანვრის თვეში მოჰყვა 30 000 ლარის კონვერსია (შესყიდვები საიტზე). გუგლ ანალიტიკსის ამავე პერიოდის რეპორტი კი მხოლოდ 20 000 ლარის კონვერსიებს გვიჩვენებს.

რატომ არ ემთხვევა ფეისბუქისა და გუგლ ანალიტიკსის მონაცემები ერთმანეთს?

ფეისბუქი და გუგლი ორი განსხვავებული და ერთმანეთის კონკურენტი კომერციული პლატფორმაა. თითოეული ცდილობს კონვერსიები თავის პლატფორმას დაუკავშიროს. აქედან გამომდინარე, ფეისბუქი ყოველთვის უფრო მეტ კონვერსიას აკუთვნებს თავის არხს. გუგლ ანალიტიკსში კი სოციალური ქსელისთვის მიკუთვნებული კონვერსიები ყოველთვის ნაკლებია.

ეს იმას არ ნიშნავს, რომ რომელიმე პლატფორმა მცდარ მონაცემებს გვიჩვენებს. მონაცემების განსხვავებულობას განაპირობებს 2 ფაქტორი:

  • მონაცემების მოგროვება: user based vs cookies. ფეისბუქი და ანალიტიკსი სხვადასხვანაირად აგროვებს მონაცემებს.
  • ფეისბუქსა და გუგლს აქვს განსხვავებული ატრიბუციის მოდელები – attribution models. კონვერსიების მიკუთვნება სარეკლამო არხებისადმი ხდება სხვადასხვა პრინციპით.

ფეისბუქის მონაცემები ეფუძნება User ID-ს. არ აქვს მნიშვნელობა, მომხმარებელი საიდან ახდენს ინტერაქციას. მობილურიდან შემოდის თუ სამსახურის ლეპტოპიდან, ფეისბუქისთვის ის ერთი იუზერია.

გუგლ ანალიტიკსის მონაცემები კი არის cookie based. სხვადასხვა მოწყობილობიდან შემოსული მომხმარებელი მისთვის სხვადასხვა იუზერია.

ფეისბუქის Attribution model

ფეისბუქს დეფოლთად აქვს 28 – დღიანი კონვერსიის ფანჯარა.

28 – days click and 1 – day view look back conversion window.

facebook default attribution window

28 დღის განმავლობაში თუ ჩვენ ერთხელ მაინც დავკლიკეთ ფეისბუქის რეკლამაზე, კონვერსია მიეკუთვნება ფეისბუქს. ფეისბუქისთვის არ აქვს მნიშვნელობა, საბოლოო შესყიდვა რომელი არხიდან განვახორციელეთ.

მაგალითად, ვნახეთ რეკლამა ფეისბუქის ნიუსფიდზე. დავკლიკეთ და გადავედით საიტზე. 2 დღის შემდეგ რეკლამა შეგვხდა იუთუბზე. იმავე დღეს დავსერჩეთ ეს პროდუქტი გუგლში. გადავედით საიტზე. 5 დღის შემდეგ გავხსენით ბრაუზერი და ვიყიდეთ ეს პროდუქტი. ფეისბუქი კონვერსიას აკუთვნებს თავის არხს.

განვიხილოთ მეორე მაგალითი.

1 day view look back conversion window.

ფეისბუქის ნიუსფიდზე სქროლვისას გამოგვიჩნდა რეკლამა. არ დავკლიკეთ, გავაგრძელეთ სქროლვა. იმავე დღეს ბრაუზერში ავკრიფეთ საიტის მისამართი და ვიყიდეთ პროდუქტი. იმის მიუხედავად, რომ რეკლამაზე საერთოდ არ დაგვიკლიკებია, 1 დღიან ჭრილში ფეისბუქი კონვერსიას აკუთვნებს თავის არხს.

გუგლ ანალიტიკსის Attribution model

გუგლ ანალიტიკსს დეფოლთად აქვს last interaction attribution model -ი. კონვერსიის მიკუთვნება ხდება ბოლო სარეკლამო არხთან ინტერაქციის მიხედვით.

მაგალითად, გადმოვედით საიტზე გუგლში სერჩიდან. შეგვხვდა რეკლამა ფეისბუქზე. გამოგვიჩნდა გუგლ დისფლეი ბანერი სხვადასხვა საიტზე. ავკრიფეთ ბრაუზერში საიტის მისამართი. ვიყიდეთ პროდუქტი. გუგლ ანალიტიკსი კონვერსიას აკუთვნებს direct traffic – ს.

ფეისბუქი კონვერსიას აკუთვნებს რეკლამის გამოჩენის დღეს. ვთქვათ, 20 ნოემბერს ვნახეთ რეკლამა ფეისბუქზე. პროდუქტი ვიყიდეთ 5 დეკემბერს. კონვერსიას ფეისბუქი მიეკუთვნებს 20 ნოემბრის რეკლამას. გუგლ ანალიტიკსში კი კონვერსია აისახება 5 დეკემბერს. იმ დღეს როცა ტრანზაქცია მოხდა.

გუგლ ანალიტიკსის Assisted Conversion Paths – ში შეგვიძლია ვნახოთ თითოეული არხის როლი კონვერსიაში.

google analytics assisted conversions
google merchandise store_demo

მაგალითად, ზემოთ მოცემულ ფოტოზე Social Network – ის გასწვრივ რიცხვი 170 გულისხმობს, რომ სოციალურმა ქსელმა დამხმარე როლი შეასრულა 170 შემთხვევაში. 490 შემთხვევაში კი სოციალური ქსელი იყო კონვერსიის ბოლო არხი.

როგორც ვხედავთ, იმისთვის რომ მომხმარებელი საბოლოო შესყიდვამდე მივიდეს, სხვადასხვა მარკეტინგული არხია ჩართული. ეს არხები არა ერთმანეთის კონკურენტი, არამედ დამხმარე არხებია. ყველა მათგანი ერთ საერთო მიზანს ემსახურება – აყიდინოს მომხმარებელს პროდუქტი.

Attribution model – ების გააზრების გარეშე, თუ მხოლოდ ზედაპირული რეპორტით შემოვიფარგლებით, შესაძლოა მცდარ დასკვნებამდე მივიდეთ.

მაგალითად, გუგლ ანალიტიკსში ვნახულობთ, რომ იზრდება კონვერსიები organic და direct ტრეფიკიდან. საკმარისია, შევწყვიტოთ ფეისბუქზე რეკლამა და შემცირდება კონვერსიები ამავე არხებიდან.

გუგლ ანალიტიკსი კარგია უფრო ზოგადი სურათისთვის. Assisted conversions – ის და ფეისბუქის რეპორტის შედარებით კი უფრო ზუსტად შეგვიძლია არხების ეფექტურობის განსაზღვრა.

პ.ს. გუგლ ანალიტიკის რეპორტებში Attribution Beta თულის საშუალებით შეგვიძლია შევქნათ Attribution Project. ეს არის კონსოლიდირებული რეპორტი სხვადასხვა მარკეტინგული არხების.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

მსგავსი სტატიები

საიტის ვიზიტორები და ანალიტიკა

Similar Web

გაინტერესებს, რომელ ვებსაიტს რამდენი ვიზიტორი ჰყავს და რა მარკეტინგული არხებიდან? გაიგე საიტის ვიზიტორები და მათი ანალიტიკა Similar Web – ით უფასოდ.

გუგლ ანალიტიკსი

Google Analytics

გუგლ ანალიტიკსი გუგლის მარკეტინგული პლატფორმის ნაწილია, რომელიც საშუალებას გვაძლევს ვნახოთ ჩვენს საიტზე გადმოსული მომხმარებლების სრული ანალიტიკა.