Sponsored Messages

სარეკლამო მესიჯები ფეისბუქზე

სარეკლამო მესიჯები ფეისბუქზე ე.წ. Sponsored Messages სახელწოდებითაა ცნობილი. ეს არის საშუალება, რომ ერთდროულად საერთო შინაარსის შეტყობინება  გავუგზავნოთ ყველას, ვისაც ფეისბუქის გვერდზე მესენჯერში აქვს მოწერილი.

როდის უნდა გამოვიყენოთ Sponsored Messages

Sponsored Messages გამოყენება ოპტიმალურია, როდესაც გვაქვს ერთი საერთო შინაარსის შეთავაზება: ფასდაკლების აქცია, ახალი პროდუქტი, კომპანიის შესახებ სიახლე, ა.შ.

იქიდან გამომდინარე, რომ შეტყობინებას ვუგზავნით იმ ადამიანებს, რომლებსაც უკვე ჰქონდათ ინტერაქცია ჩვენს ბრენდთან, რეკლამის ეს ფორმა კარგია რემარკეტინგისთვის. იმისთვის, რომ კიდევ ერთხელ შევახსენოთ თავი ჩვენს მომხმარებლებს და შევინარჩუნოთ კავშირი.

რა უნდა გავითვალისწინოთ Sponsored Messages გაგზავნისას

რეკლამის ეს ფორმა უფრო მეტად იჭრება მომხმარებლის პირად სივრცეში, ამიტომ ხშირად მისი გამოყენება არასასურველია.

გაგზავნის დროს არ გვაქვს საშუალება ავირჩიოთ მომხმარებლების ჯგუფი. შეტყობინება იგზავნება ერთიანად ყველასთვის, ვისაც მოწერილი აქვს. ასევე რეკლამის ეს ფორმა საშუალებას გვაძლევს შეტყობინება იყოს პერსონალიზებული (მიმართვა სახელით, გვარით). ამის გამო ზოგჯერ მომხმარებელს ჰგონია, რომ პირადად მას გავუგზავნეთ ინდივიდუალურად შეთავაზება. შესაბამისად თუ გვყავს მომხმარებელი, რომელიც უკმაყოფილოა და მას მიუვა შეტყობინება, მისთვის სარეკლამო მესიჯი ცალსახად გამაღიზიანებელი იქნება.

როგორ უნდა გავაგზავნოთ Sponsored Messages

სარეკლამო მენეჯერიდან ვირჩევთ სარეკლამო მიზანს: Messages

ad objectives - messages

Message Destination – დან ვირჩევთ Sponsored Message და შესაბამის გვერდს, რომლიდანაც გვინდა რეკლამის გაშვება.

Sponsored message selection

განთავსების ადგილებში (ფლეისმენთი) ავტომატურის ნაცვლად შერჩეულია Manual Placements, სადაც აქტიურია მხოლოდ Messages.

placement messages

Sponsored messages – ის დროს ბილინგი ხდება ჩვენებების (impressions) მიხედვით – ჩვენებად ითვლება თითოეული მომხმარებლის მიერ შეტყობინების ნახვა თქვენი გვერდიდან.

ბიუჯეტისა და რეკლამის დროის შერჩევის შემდეგ გადავდივართ უშუალოდ რეკლამის შინაარსსა და ვიზუალზე.

გვაქვს ორი შესაძლებლობა:

  • ტექსტი
  • ტექსტი ფოტოთი

რა თქმა უნდა, მეორე ვარიანტი უფრო ეფექტურია. ვავსებთ ყველა შესაბამის ველს სასურველი ტექსტითა და ფოტოთი.  CTA ღილაკად შეგვიძლია მივუთითოთ საიტზე გადმოსასვლელი ბმულიც ან დავაყენოთ Quick Replies. Label – ში სახელს თავად ვარქმევთ, რაც შეიძლება მარტივსა და გასაგებს. (ამ შემთხევაში დავწერე: გადმოდი ბმულზე).

sponsored message set up
რა თქმა უნდა, მხოლოდ ახალი სტატიის დაანონსების მიზნით ამ ტიპის რეკლამის გამოყენება არ არის სასურველი. ფოტო მხოლოდ მაგალითისთვისაა, თუ რა ველების შევსებაა შესაძლებელი.

რაც შეეხება რეპორტინგს, სარეკლამო მენეჯერში შეგვიძლია გამოვიტანოთ ცალკეული პარამეტრები, რომლებიც ჩვენთვის საინტერესოა რეკლამის ეფექტურობის განსაზღვრისთვის.

ეს მაჩვენებლები გულისხმობს, რომ 14 857 ადამიანთან გაიგზავნა შეტყობინება. აქედან 321 ადამიანი დაინტერესდა (მოიწერა რაღაც პასუხად) და ერთი ასეთი გამოხმაურების ღირებულებამ შეადგინა დაახლოებით 0.08 ცენტი.

დამატებითი ინსაითები ფეისბუქზე რეკლამის ამ სახეობასთან დაკავშირებით შეგვიძლია ვნახოთ Facebook For Business – ის გვერდზე About Insights for the Messages Objective.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

მსგავსი სტატიები

ფეისბუქი რეკლამაზე  ტექსტის 20%-იან შეზღუდვას ხსნის

ფეისბუქი რეკლამაზე  ტექსტის 20%-იან შეზღუდვას ხსნის

ფეისბუქი რეკლამაზე  ტექსტის 20%-იან შეზღუდვას ხსნის ფეისბუქის ოფიციალურ გვერდზე ეს ცვლილება დადასტურებული არ არის. თუმცა, ინფორმაცია სოციალური მედია ექსპერტებისგან უკვე გავრცელდა.   ტექსტის შეზღუდვის 20%-იანი წესი ფეისბუქი წლების განმავლობაში აცხადებდა, რომ ინსატაგრამსა და ფეისბუქზე მომხმარებელი უპირატესობას ანიჭებდა რეკლამებს არაგადატვირთული ტექსტით. აქედან გამომდინარე, თავდაპირველად საკმაოდ მკაცრად აკონტროლებდა იმ რეკლამებს, სადაც ტექსტი ფოტოს 20%-ზე მეტი იყო. სპეციალურად […]

გამოვიყენოთ თუ არა ჰეშთეგები ფეისბუქზე?

ჰეშთეგები ფეისბუქზე თუ ფეისბუქზე ბიზნეს გვერდის მართვა გიწევთ, შეამჩნევდით, რომ ბოლო რამდენიმე დღეა, პოსტის შექმნისას ფეისბუქი ჰეშთეგის გამოყენებას გვთავაზობს. ჰეშთეგების გამოყენების შესაძლებლობა ფეისბუქზე 2013 წელს გამოჩნდა. მას შემდეგ რაც ეს პოპულარული გახდა ტვიტერზე. ჰეშთეგზე დაკლიკებისას ამ თემასთან დაკავშირებულ ყველა პოსტის ჩამონათვალს ვხედავთ. # სიმბოლოს შემდეგ ჰეშთეგად შეგვიძლია სიტყვებისა და ციფრების გამოყენება, მაგრამ არა – სასვენი […]